«Монако» Поль Погба билан шартномани эрта бекор қилиши мумкин

Поль Погбанинг футболга қайтиши кутилганидек кечмаяпти. Монаколиклар ярим ҳимоячини ўтган ёзда таркибга қўшганди ва узоқ дисквалификациядан кейин унга формага кириш учун вақт керак бўлишини тушунарди. Бироқ мослашув жараёни чўзилиб кетди: франсуз футболчи ҳозиргача майдонда жами 30 дақиқа ўйнади. Бу ҳақда euro-football.ru хабар беради.

Gazzetta dello Sport хабарига кўра, «Монако» энди жаҳон чемпиони билан ҳамкорликни муддатидан аввал тўхтатиш вариантини кўриб чиқмоқда. Погбанинг шартномаси 2027 йил ёзигача мўлжалланган, аммо келишув анча эрта бекор қилиниши ҳам мумкин.

Март ойида Поль Погба 33 ёшга тўлади. Ҳозирда футболчи навбатдаги жароҳатдан кейин тикланиш жараёнини ўтаяпти.