Давид Трезеге Буэнос-Айресда «Ривер Плейт» раҳбариятига қўшилди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида ҳам тўп суриб, жамоа билан иккинчи дивизион чемпионлигини қўлга киритган эди. Бу ҳақда euro-football.ru хабар беради.

Эндиликда Трезеге Буэнос-Айрес клуби тизимига спортчи сифатида эмас, раҳбарият вакили сифатида кириб келмоқда. «Ривер Плейт» уни бутун бошқарув жамоаси иштирокида расман таништирди.

Клуб француз мутахассиснинг аниқ лавозимини очиқламади, бироқ у стратегик масалалар билан шуғулланиши ва «Ривер Плейт»ни институционал даражада тақдим этиши маълум қилинди.

Эслатиб ўтамиз, Трезеге 2015 йилда футболчилик фаолиятини якунлаган.