Слуцкий бошқарувидаги «Шанхай Шэньхуа» яна мағлуб бўлди

Леонид Слуцкий бошқарувидаги «Шанхай Шэньхуа» Осиё Чемпионлар лигасида навбатдаги учрашувда ҳам очкосиз қолди. Хитой клуби умумий босқич 6-турида сафардa «Санфречче Хиросима»га 0:1 ҳисобида имкониятни бой берди. Бу ҳақда euro-football.ru хабар беради.

Ўйиндаги ягона гол 78-дақиқада урилди — мезбонлар сафида ҳимоячи Хаято Араки ҳал қилувчи зарбани йўллади. Бу натижа «Шанхай Шэньхуа» учун турнирдаги кетма-кет учинчи мағлубият бўлди.

6 турдан кейин Слуцкий жамоаси 4 очко билан жадвалда 11-ўринда бормоқда. «Хиросима» эса 11 очко жамғарган ҳолда кучли учликда, аниқроғи 3-поғонада жойлашган.