Быел Татарстан яман шешне дәвалау өчен яңа җиһазларга 288 млн сум алачак

«Озын һәм актив тормыш» илкүләм проектының «Онкология авыруларына каршы көрәш» федераль проекты буенча 2026 елдан Татарстанда онкология авыруларын радиологик дәвалау өчен җиһазлар яңартыла башлаячак. Моның өчен 288, 2 миллион сум акча бүлеп бирелгән.

ТР Финанс министрлыгы мәгълүматы буенча, бу сумманың зур өлешен – 210,4 млн сум – федераль бюджет бүлеп бирәчәк, ә калган 77,8 млн сум Татарстан бюджетыннан биреләчәк. РФ Сәламәтлек саклау министрлыгы һәм ТР Министрлар Кабинеты арасында акча бирү турында килешү төзелгән инде.