Генич 7-турдан кейин икки клубни алоҳида таъкидлади

Машҳур шарҳловчи Константин Генич УЕФА Чемпионлар лигасининг умумий босқичидаги навбатдаги турдан сўнг норвегиялик «Будё-Глимт»нинг ўйинига юқори баҳо берди. Сўнгги учрашувда скандинавлар кутилмаганда «Манчестер Сити»ни 3:1 ҳисобида мағлуб этиб, турнирнинг энг шов-шувли натижаларидан бирини қайд этди. Бу ҳақда euro-football.ru хабар беради.

Геничнинг фикрича, 7-турдаги асосий сенсация айнан «Будё-Глимт» бўлди. У, шунингдек, «Арсенал»нинг чиқишини ҳам алоҳида эътироф этиб, лондонликлар «Интер»га қарши баҳсда жуда очиқ ва дадил футбол намойиш қилганини, бундай услубни кутмаганини таъкидлади. Бу фикрлар «Komment.Шоу» YouTube канали орқали келтирилди.

Етти тур якунига кўра «Арсенал» 21 очко жамғариб, Чемпионлар лигаси умумий раунди жадвалида пешқадам бўлиб турибди. «Будё-Глимт» эса 6 очко билан 28-ўринда жойлашган.