Клопп “Реал” миш-мишларига нуқта қўйди: жавоби қатъий бўлди...

Сўнгги кунларда футбол оламида битта гап айланди: гўё Юрген Клопп “Реал Мадрид” бош мураббийи бўлиши мумкин. ОАВда турли “инсайд”лар, тахминлар, ҳатто “аниқ манба”га таянган хабарлар ҳам кўпайиб кетди. Табиийки, бундай шов-шувлар фонида Клоппнинг ўзи ҳам сукут сақламади ва миш-мишларга муносабат билдирди.

Германиялик мутахассиснинг айтган гапи аниқ: у мураббийлик қила олишини билади, лекин бу умрининг охиригача “ҳамма жойда мураббий бўлиб юришга мажбур” дегани эмас.

“Мен жамоага мураббийлик қила олишимни биламан, аммо бу умримнинг сўнги кунигача мураббийлик қилишга мажбурман, дегани эмас. “Ред Булл” менга биргаликда босқичма-босқич шакллантирган йўлни топиш имконини берди. Ҳозир мен инсон сифатида ўзим бор бўлган дунё билан тўлиқ бир оламдаман. Мен бошқа жойда бўлишни истамайман”, деди Клопп.

Бу гаплардан чиқадиган хулоса битта: Клопп ҳозирча янги клуб, айниқса “Реал”дек улкан лойиҳага шошилмаяпти. У ўзини бошқа ритмда кўряпти — режали, босқичма-босқич, ҳаяжондан кўра маъноси бор йўлда.

Эслатиб ўтамиз, Юрген Клопп бошқарган сўнгги клуб “Ливерпуль” бўлган. Мерсисайддаги даврида у нафақат натижа, балки услуб, характер ва мухлислар билан алоҳида энергия деган тушунчани ҳам қолдириб кетганди.

Шу боис, “Реал” ҳақидаги миш-мишлар қанча баланд айланмасин, Клоппнинг жавоби ҳозирча жуда совуққон: у ҳозир турган жойидан қониқяпти ва “бошқа жойга кетиш”ни истамаяпти.