39 զոհ՝ Իսպանիայում արագընթաց գնացքների բախման հետևանքով

Իսպանիայի հարավում արագընթաց գնացքների բախման հետևանքով զոհերի թիվը հասել է 39-ի, ևս 152 մարդ վիրավորվել է։ Ոստիկանության տվյալները փոխանցում է իսպանական RTVE հեռուստաընկերությունը։

Հունվարի 18-ին Իսպանիայի հարավում՝ Կորդոբա նահանգի Ադամուզ քաղաքի մերձակայքում, արագընթաց գնացքը դուրս է եկել գծերից և բախվել հանդիպակաց ուղղությամբ շարժվող մեկ այլ գնացքի՝ այն ևս դուրս մղելով գծերից։

Երկու գնացքներում ընդհանուր առմամբ գտնվել է շուրջ 400 ուղևոր, մեծամասամբ՝ Իսպանիայի քաղաքացիներ։

Վթարի պատճառները դեռևս պարզված չեն։

Իսպանիայի վարչապետ Պեդրո Սանչեսը չեղարկել է օրակարգով նախատեսված բոլոր հանդիպումները։

Մադրիդի և հարավային Անդալուզիայի միջև, այդ թվում՝ խոշոր քաղաքներ Կորդոբայի, Սևիլյայի և Գրանադայի ուղղություններով, հունվարի 19-ին չեղարկվել է ավելի քան 200 գնացքի երթևեկություն։

The post 39 զոհ՝ Իսպանիայում արագընթաց գնացքների բախման հետևանքով first appeared on MediaLab Newsroom-Laboratory.