2026 елдан булачак ата-аналар генетик тестларны бушлай тапшыра ала

2026 елдан туачак балаларда нәселдән килгән авыруларны ачыклау өчен генетик тестлар түләүсез медицина ярдәме күрсәтүнең дәүләт гарантияләре программасына кертелде. Сүз моноген авыруларга (штп-м) һәм структур хромосомалы үзгәрешләргә (ШП-СП) генетик тест үткәрү турында бара. Бу хакта ТАСС агентлыгына Россия Сәламәтлек саклау министрлыгының хатын-кызларның репродуктив сәламәтлеге буенча штаттан тыш баш белгече Наталья Долгушина хәбәр иткән.

Аның сүзләренә караганда, мондый тикшеренүләр ярдәмче репродуктив технологияләр программаларында кулланыла һәм нәселдәнлек патологияләре булган балалар туу куркынычы югары булган гаиләләргә (моноген авырулар китереп чыгаручы ген мутацияләре һәм хромосома аномалияләре булучыларга) тәкъдим ителә.

Киңәйтелгән неонаталь скрининг нәтиҗәләре буенча генетик авырулар ачыкланган ата-аналар бушлай тест узудан файдалана ала. Бу мәҗбүри медицина иминияте кысаларында нәселдәнлек куркынычларын исәпкә алып йөклелекне планлаштырырга мөмкинлек бирә, дип ачыклык кертте эксперт.