Озода Нурсаидова Амстердамдан мухлисларига қорли салом йўллади (видео)

Хонанда Озода Нурсаидова ҳозирда Нидерландиянинг Шимолий Голландия вилоятида, аниқроғи Амстердам шаҳрида эканини маълум қилувчи видео постни Instagram саҳифасига жойлади.

Видеода санъаткор мухлисларига мурожаат қилиб, сафар таассуротлари билан ўртоқлашди:

“Барчага Амстердамдан салом! Ҳозир айнан Амстердамдамиз. Бу сафаримиз қорли об-ҳавога тўғри келди. Амстердам ҳудуд жиҳатдан унча катта бўлмаса-да, жуда чиройли шаҳар. Бу ерга асосан ёзда келиш тавсия этилади, бироқ қиш фаслининг ҳам ўзига хос гашти бор экан”, — деди хонанда.

Озода Нурсаидова ушбу видео остига “Ҳолландиядан қорли салом” дея изоҳ қолдирди. Хонанданинг постини мухлислари илиқ қарши олиб, кўплаб ёқимли фикр ва тилаклар ёзиб қолдиришди.