Арриго Сакки А Сериянинг энг яхши ҳужумчиси сифатида Ҳойлунни танлади

Италияда катта обрў-эътиборга эга, «Милан»ни унинг энг ёрқин даврида бошқарган Арриго Сакки А Серияда энг яхши марказий ҳужумчи кимлиги борасида ўз танловини билдирди. Мутахассиснинг фикрича, даниялик форвард Расмус Ҳойлуннинг ўйини жуда кучли таассурот қолдирмоқда. Бу ҳақда euro-football.ru хабар беради.

«Марказий ҳужумчи сифатида мен Ҳойлунни танлаган бўлардим. Конте қўл остида у қандай ўсишга эришганини кўрдингизми? «Манчестер Юнайтед»да у ҳеч қачон бундай бўлмаган», — дея Саккининг сўзларини келтиради calcionapoli1926.it.

Эслатиб ўтамиз, неаполликлар ҳозирда А Серия турнир жадвалида учинчи ўринда бормоқда. Якшанба куни жамоа «Лацио»га қарши майдонга тушади.