Ламин Ямалга Др. Дренинг берган совғаси

18 ёшли "Барселона" вингери Ламин Ямалга хип-хоп афсонаси Др. Дре томонидан ноодатий совға тақдим этилди.

Унга олтин рангли Beats наушниклари ва The Chronic дебют альбоми пластинкаси совға қилинган. Альбом муқовасида Др.Дре шундай ёзув қолдирган: "Мен ёш қиролман, худди Ламин Ямал каби." Футболчининг айтишича, у Др. Дре ва Эминемнинг қўшиқлари билан улғайган ва рэп мусиқаси унга ўйинлардан аввал кайфиятини тўғри йўналишга солишга ёрдам беради.

Энди эса у Др. Дре'нинг шахсий совғаси билан янада кўпроқ илҳомланади.

Ямалнинг ушбу совға билан суратга тушган пости ижтимоий тармоқларда тез тарқалди. Мухлислар ҳазиллашиб, "ёш қирол" энди ҳақиқий гангстерга айланганини таъкидлашмоқда.