"Ювентус" Тудорни ишдан бўшатгач илк таркибни эълон қилди

Чоршанба куни "Ювентус" Италиянинг А Сериясидаги навбатдаги ўйинида "Удинезе" билан ўз майдонида тўқнаш келади. Турин клубининг вақтинчалик бош мураббийи Массимо Брамбилла дастлабки дақиқаларданоқ майдонга тушадиган футболчилар рўйхатини эълон қилди.

Таркиб қуйидагича: Ди Грегорио, Калюлу, Гатти, Келли, Камбьясо, Локателли, Маккенни, Костич, Йилдиз, Влахович, Опенда. "Ювентус" ва "Удинезе" ўйини Тошкент вақти билан 22:30 да бошланади.

Ўйинни LiveResult порталида матнли трансляция орқали кузатиш мумкин. Эслатиб ўтамиз, "Лацио"га 0:1 ҳисоби билан мағлуб бўлганидан сўнг, "Ювентус" бош мураббий Игор Тудорни истеъфога чиқарганини эълон қилган эди.

Ҳозирги кунда Турин клуби А Серия турнир жадвалида саккизинчи ўринни эгаллаб турибди.