Матти Кэш "Астон Вилла" билан янги шартнома имзолади
0
"Астон Вилла" клуби ҳимоячи Матти Кэш билан шартномасини узайтирганини расман эълон қилди. Футболчи 2029 йилнинг ўртасигача мўлжалланган янги келишувга имзо чекди.
Матти Кэш бутун фаолиятини Англия клубларида ўтказган. У 2020 йилнинг сентябр ойида "Ноттингем Форест"дан "Астон Вилла"га кўчиб ўтган.
Ўша пайтдан бери у 193 та расмий ўйинда майдонга тушиб, 12 та гол урди ва шунча голли пас берди. Қизиқарли томони шундаки, Матти Кэш шартномасини "Астон Вилла" билан узайтирган кунинг эртасига Премьер Лига доирасида "Манчестер Сити" билан бўлган ўйинда гол урди. Бирмингемликлар мазкур баҳсда 1:0 ҳисобида ғалаба қозонишди.