Oljeprisen stig etter amerikanske sanksjonar

Oljeprisen stig torsdagsmorgon etter at USA innførte sanksjonar mot to russiske oljeselskap, melder NTB.

Eit fat brent olje stig nesten 3 prosent til 64 dollar per fat. Den amerikanske varianten, WTI, har auka med litt over 3 prosent til 60 dollar per fat, melder NTB.

– Eg følte berre at det var på tide. Vi venta lenge, seier USA sin president Donald Trump om sanksjonane.

Oljeselskapa Rosneft og Lukoil er to av Russland sine største oljeselskap. Sanksjonane blei sett i verk kort tid etter eit møte mellom Trump og Nato sin generalsekretær Mark Rutte i Det kvite hus.