«Елмай» балалар паркында Айдар Исхаков төркеме чыгыш ясаячак

12 октябрьдә «Елмай» балалар паркында Айдар Исхаков төркеме концерт куячак. Шәһәр халкы блюз, джаз һәм башкорт халык көйләрен берләштергән композицияләрне ишетә алачак. Бу хакта Казан мэриясенең матбугат хезмәте хәбәр итә.

Композитор һәм күп төрле уен коралларында уйнаучы мультиинструменталист, жанрлар һәм технологияләр белән тәҗрибәләр ясап, көйләр аша мәдәни тәңгәллекне сакларга омтыла.

Казанда яшәүчеләрне һәм кунакларны «Елмай» паркы сәхнәсе янында көтәләр. Концерт 17:00 сәгатьтә башлана, диелә хәбәрдә.