Мөслимдә мәктәп укучылары махсус хәрби операциядәге егетләргә ярдәм җыюда актив катнашты

Мөслимдә мәктәп укучылары махсус хәрби операциядәге егетләргә ярдәм җыюда актив катнашты. Җыелган әйберләр арасында җылы киемнәр, азык-төлек, гигиена әйберләре һәм башка кирәк-яраклар бар. Бу хакта «Мөслим-информ» сайтында хәбәр ителә.

«Бу изге эшкә кушылган һәркемнең керткән өлеше бик зур әһәмияткә ия. Җыелган әйберләр арасында җылы киемнәр, азык-төлек, гигиена әйберләре һәм башка кирәк-яраклар бар. Укучылар үзләренең куллары белән хатлар һәм рәсемнәр ясап, солдатларга рухи көч һәм теләктәшлек күрсәтте.

Мәктәп администрациясе, укытучылар һәм ата-аналар бергәләшеп, бу акцияне оештыруда зур көч куйдылар. Һәркемнең бердәм булып эшләү нәтиҗәсендә, бик күп ярдәм җыелды.

Бу акция яшь буынны миһербанлылыкка, ватанпәрвәрлеккә һәм башкаларга ярдәм итәргә өйрәтә. Мондый чаралар киләчәктә дә дәвам ителер дип ышанабыз. Кабаттан барлык катнашучыларга зур рәхмәтебезне белдерәбез! Сезнең ярдәмегез бик кирәк!» - дип язалар Г.Тукай исемендәге Мөслим урта мәктәбеннән.