Чаллыда табиблар 10 көн үпкәсе ясалма җилләтү аппаратына тоташтырылган ир-атны коткарган

Чаллы йогышлы авырулар хастаханәсе табиблары үпкәсе нык зарарланган ир-атны коткарган. Бу хакта медицина учреждениесе матбугат хезмәте хәбәр итә.

51 яшьлек ир-ат хастаханәгә авыр хәлдә - югары температура, тын кысылу һәм туктаусыз йөткерү белән кергән. Компьютер томографиясе үпкәләрнең нык зарарлануын ачыклаган. Пациентны кичекмәстән реанимация һәм интенсив терапия бүлегенә госпитализацияләгәннәр.

«Хастаханәгә кергәндә ир-атның сулыш алу җитешсезлеге һәм горизонталь хәлдә булу мөмкинлеге булмавы күзәтелде. Аның үпкәләрен ясалма җилләтү аппаратына тоташтырдылар», - дип сөйләде бүлек мөдире Ришат Хәкимов.

Хәле бик авыр була. Тормыш функцияләрен саклап калу өчен табиблар интенсив терапия куллана. Сигезенче көнне трахеостомия ясала, шуннан соң яхшыруның беренче билгеләре барлыкка килә.

«Ул ун көн үпкәләрне ясалма җилләтү аппартында кала. Башта без оптимистик фаразлар бирмәдек, ләкин команда белән эшләү һәм грамоталы дәвалау нәтиҗәсендә уңай динамикага ирешеп булды», - дип билгеләп үтте Ришат Хәкимов.

Акрынлап пациентны үпкәләрне ясалма вентиляцияләү аппаратыннан алганнар, палатага күчергәннәр, ә аннары өенә чыгарганнар.