ՀՀ ԱԳՆ-ն ցավակցություն է հայտնել Ավստրիայում տեղի ունեցած հրաձգության զոհերի կապակցությամբ
Ցնցված ենք Ավստրիայի Գրաց քաղաքի դպրոցում տեղի ունեցած հրաձգությունից՝ հայտնել են ՀՀ արտգործնախարարությունից։
«Մեր անկեղծ ցավակցությունն ենք հայտնում զոհվածների ընտանիքներին այս սարսափելի ողբերգության կապակցությամբ: Մեր մտքերը նրանց և ավստրիացի ժողովրդի հետ են»,- ասված է ՀՀ ԱԳՆ-ի X-ի գրառման մեջ։
Ավելի վաղ հայտնել էինք, որ Ավստրիայի Գրաց քաղաքի դպրոցներից մեկում հունիսի 10-ի առավոտյան հրաձգության հետևանքով առնվազն 9 մարդ է զոհվել, այդ թվում՝ հարձակվողը։ Ոստիկանության տվյալով՝ զոհերի թվում կան երեխաներ և ուսուցիչներ։ Հարձակման համար կասկածվում է աշակերտներից մեկը, որը, ենթադրաբար, ինքնասպան է եղել։ Նրա մարմինը հայտնաբերել են դպրոցի զուգարաններից մեկում։
The post ՀՀ ԱԳՆ-ն ցավակցություն է հայտնել Ավստրիայում տեղի ունեցած հրաձգության զոհերի կապակցությամբ first appeared on MediaLab Newsroom-Laboratory.