Turistbuss stenger veg til Geiranger
0
Ein turistbuss har køyrd seg fast i Ørnesvingen i Geiranger. Vegen er ein populær turistveg som slyngar seg nedover fjellsida til bygda.
Klokka 13.50 melder trafikksentralen at det er dirigering på staden.
– Det vil truleg ta fleire timar å få laus bussen, seier trafikkoperatør Erling Drangsholt.
Han seier det er kø minst to svingar nedover vegen.
Bilbergaren har utfordringar med å kome seg til staden på grunn av trafikk, men er på veg. Det er ingen naturlege omkøyringar på strekninga.
– Dei får nyte utsikta oppe i dalen foreløpig eller gå seg ein fjelltur, oppmodar Drangsholt.