د شاتو ۲۵۰ میلیونه مچۍ ازاده شوي
د امریکا په واشنګتن ایالت کې د شاتو شاوخوا ۲۵۰ میلیونه مچۍ د یوې لارۍ د ټکر له امله ازادې شوي دي.پولیسو له خلکو غوښتي چې ځانونه له دې مچیو وساتي.په دې وروستیو کې په واشنګټن ایالت کې د شاتو په مچیو بار لارۍ له سړک واوښته او ولوېده.په سیمه کې سړکونه، چې له کاناډا سره پوله لري، تړل شوي دي.د مچیو د پالنې متخصصین د سیمې د پاکولو لپاره کار کوي.ځینې مچۍ پالونکي یوازې د شاتو د تولید لپاره کار کوي، مګر ډیری نور خپلې مچۍ بزګرانو ته په کرایه ورکوي.بزګران د خپلو فصلونو د ودې لپاره له مچیو څخه کار اخلي.