Norsk Hydro fryktar auka uro i marknaden etter Trump-utspel

I ein tale til amerikanske arbeidarar natt til laurdag sa USAs president Donald Trump at han ville doble tollen på stål frå 25 til 50 prosent.

Han skal også ha sagt at han ville auke tollen på aluminium.

Norsk Hydro seier dei følger situasjonen tett.

– Varsel om auke i tollsatsar bidreg til auka marknadsuro. Dette har vi allereie sett etter at USA tidlegare i år innførte toll på 25 prosent. Ein ytterlegare auke til 50 prosent vil kunne forsterke denne effekten, seier informasjonssjef Anders Vindegg.

Han seier uroa vil kunne svekke investeringsviljen og dempe etterspurnaden etter aluminium, særleg innan bilindustrien og bygg og anlegg.