Barcelona skrotar vennskapsavtale med Tel Aviv

Bystyret i Barcelona bryt alt samarbeid med israelske styresmakter og skrotar vennskapsavtalen dei har med Tel Aviv i protest mot krigen i Gaza.

Dei oppfordrar også handelsmessa Fire de Barcelona om å seie nei til paviljongar frå israelske styresmakter, selskap som er involvert i våpensal eller som på andre måtar tener på krigen i Gaza.

Spania har som Noreg godkjent Palestina som eigen stat, og statsminister Pedro Sánchez har markert seg som ein av dei sterkaste kritikarane i EU av Israels okkupasjon og krigføring.