Tidlegare ordførar Arvid Bjarne Lillehauge er død

Mangeårig Arbeidarparti-ordførar og rådmann i Høyanger, Arvid Bjarne Lillehauge, er død.

Lillehauge var i fleire tiår ei markant røyst i samfunnsdebatten og media, og var først og fremst kjent for sitt kraft-engasjement. I tillegg til tolv år som ordførar og femten år som rådmann, var han i styret hjå Sogn og Fjordane Energi i nær førti år, og var sentral i oppbygginga av Landssamanslutninga av Vasskraftkommunar.

Familien stadfestar at Lillehauge har gått bort, 81 år gamal.