Төмән мөселман оешмасына нигез салучы Хәбибулла Якинга истәлек билгесе куелган

Төмән шәһәренең Кырынкүл бистәсендә Хәбибулла Якин урамы исемендәге тукталышта хөрмәт билгесе барлыкка килгән, дип хәбәр итә Бөтендөнья татар конгрессы матбугат хезмәте.

• Хәбибулла Якин – абруйлы мөгәллим, Бөек Ватан сугышы ветераны, Дан орденнарының тулы кавалеры, «2 нче шәһәр мәчете» Төмән мөселман оешмасына нигез салучы, Төмән һәм Ржев шәһәрләренең Мактаулы гражданины, «Шел солдат к Победе» китабы авторы.

Хәбибулла Якинны хөрмәтләп аның исемен йөрткән урам тукталышына аның фотосын, казанышлары турында мәгълүмат урнаштырганнар. Тукталыш һәркемгә даһи шәхесебезне исенә төшереп тору өчен бер чара булып торыр, диелә хәбәрдә.