Palestinsk Røde Halvmåne: Ingen nødhjelp har nådd fram til sivile på Gaza

Palestinsk Røde Halvmåne (PRSC) seier at dei fleste lastebilane med nødhjelp framleis står ved grenseovergangen Kerem Shalom, ifølgje Reuters.

Lastebilane er inspiserte, men har ikkje fått sleppe inn i Gaza.

Dette skjer trass i at israelske styresmakter har sagt at 100 lastebilar med nødhjelp skulle få kome inn.

– Ingen sivile i Gaza har fått noko som helst frå desse sendingane enno, seier PRCS-presidenten.

Situasjonen for helsevesenet i Gaza er òg kritisk. Ifølgje organisasjonen er kapasiteten til ambulansetenesta redusert til ein tredel. Alle ambulansebilar som går på bensin, har stoppa opp.