Гадәттән тыш хәлләр министрлыгы шторм кисәтүе вакытында нишләргә кирәклеген искәртте

Бүген Татарстанда Гадәттән тыш хәлләр министрлыгы шторм кисәтүе һәм кырау турында игълан итте. Якындагы тәүлектә республикада һавада һәм туфракта урыны белән 0..-3° градуска кадәр кырау көтелә.

Россия Гадәттән тыш хәлләр министрлыгының Татарстан буенча Баш идарәсе кисәтә:

• төзек булмаган электр приборларыннан файдаланырга ярамый;

• кулдан ясалган электр җылыту приборларын кулланырга ярамый;

• электр приборларын яна торган предметлар һәм материаллар янына урнаштыру тыела;

• токка тоташтырылган электр приборларын озак вакытка караусыз калдырырга ярамый;

• берничә приборны бер розеткага 3-4 тармаклы «вилка» ярдәмендә тоташтыру катгый тыела;

• электр «вилкасы»ның яисә электр приборының үзен бик нык җылытуы ачыкланса, аны кичекмәстән сүндерегез!