Омскида Татар мәдәнияте көннәре уңаеннан «Тату гаиләдә күңел ял итә» чарасы узган

22 апрель көнне Омский шәһәренең 101нче балалар бакчасында Татар мәдәнияте көннәре уңаеннан «Тату гаиләдә күңел ял итә» дигән зур вакыйга узды. Чараны Омск шәһәре хакимияте, 101нче балалар бакчасының мөдире һәм хезмәткәрләре, өлкәнең «Иртыш» татар оешмасы һәм «Алтын» яшьләр үзәге оештырды, дип хәбәр итә Бөтендөнья татар конгрессы матбугат хезмәте.

Балалар бакчасы хезмәткәрләре «Карга боткасы» бәйрәмен әзерләгән. Балалар татар җырларын, биюләрен өйрәнгән. Шулай ук балалар алдында яшь буын артистлары да чыгыш ясаган. «Умырзая» ансамбленең, 5нче балалар сәнгать мәктәбенең, «Ибирь» оешмасының балалары үз сәләтләрен тәкъдим иткән. Бәйрәмнең ахырында «Алтын» яшьләр үзәге катнашучыларга милли уеннар үткәргән.