Татарстан мөфтие республика имамнарына чит илдә укуның мәгънәсе булмавы турында әйтте

Татарстан мөселманнары Диния нәзарәте имамнары чит илдә укымый. Бу хакта республика мөфтие Камил хәзрәт Сәмигуллин «12 кат» проектында «Татар-информ»ның баш мөхәррире Ринат Билаловка биргән интервьюсында әйтте.

«Болгар ислам академиясе ачылу белән Татарстан хәзрәтләренең чит илгә укырга чыгу ихтыяҗы бетте», – дип ышана мөфти.

Хәзер Казанда дини белемнең барлык дүрт баскычы да эшли: мәчеттәге курслар, мәдрәсәләр, югары белем һәм докторантура. Алай гына да түгел, Казанда алган ислам фәннәре докторы исеме гарәп илләрендә дә таныла.

«Абу-Даби мөфтие Мөхәммәд Әсләм Болгар ислам академиясендә докторантура тәмамлаган, һәм аның дипломы Берләшкән Гарәп Әмирлекләрендә таныла, ул Абу-Дабиның ислам һәм вакыфлар эшләре буенча Баш идарәсендә эшләвен дәвам итә», – дип сөйләде Сәмигуллин.

Шул ук вакытта дөньяви системада ислам дин гыйлеме докторы дәрәҗәсе элеккечә котировкаланмый.

«Соңгы штрих калды. Әгәр дә без мәгариф нигезен ата-бабаларыбыз укыган китапларга күчерсәк, бу без бу юнәлештә эшли алган иң күркәм эш булачак», - дип саный Татарстан мөселманнары Диния нәзарәте башлыгы.