Подольск мөселманнары махсус хәрби операция зонасына чираттагы гуманитар йөкне җибәрде
«Рахман» мөселман үзәге махсус хәрби операция уздыру зонасында булганнарга ярдәм итү буенча системалы хәйрия эшчәнлеген дәвам итә. Чираттагы гуманитар ярдәм партиясе мәхәллә кешеләре, имамнар һәм үзәкнең волонтерлары көче белән оештырылды һәм тапшырылды. Подольск мөселманнары исеменнән йөкне тапшыруда «Рахман» мөселман үзәге имам-хатыйбы Искәндәр Холов катнашты. Бу хакта Россия Мөфтиләр шурасы хәбәр итә.
Гуманитар йөкнең яңа партиясе составына озак вакытлы саклана торган продуктлар, шул исәптән вакуумлы савытта 10 тартма хөрмә кергән. Йөк иганәчеләр акчасына җыелган һәм хәзер моңа аеруча мохтаҗ булганнарга адреслы тапшырылган.
Подольск мөселманнарыннан махсус операция зонасына гуманитар йөкләр ташуны һәм тапшыруны тәэмин итүче ышанычлы партнерлар катнашында китерелә. Эш Подольск шәһәре администрациясе, җирле Иҗтимагый палата һәм волонтерлык оешмалары белән даими хезмәттәшлектә алып барыла.