Trump: Utelukkar ikkje ein tredje presidentperiode

Donald Trump «tulla ikkje» med ynsket om å prøve seg på ein tredje presidentperiode. Det melder NBC.

– Der finst måtar å få det til på, sa den amerikanske presidenten.

Ifølgje den amerikanske grunnlova kan presidentar bli sitjande i maks to periodar à fire år.

Trump sa at det er mange som ynskjer at han blir sitjande som president, men at det per no er langt igjen før det kan bli ein realitet.

Han har snakka om ein tredje presidentperiode tidlegare, men då har dette blitt tolka som ein vits og ein måte å provosere på.