“Barmaq silkələməsi kifayət edirdi ki…” – İlhamə Quliyevanın XATİRƏ GÜNÜDÜR

Adı daha çox qalmaqallarda səslənirdi. Şou-biznes aləminə çəki-düzən verməyi çox sevirdi. Bütün müğənnilərin “ciki”ni də bilirdi, “biki”ni də… Bircə barmaq silkələməsi kifayət edirdi ki, şou əhli özünü yığışdırsın. Çoxlarının onun yanında, necə deyərlər, dili qısa idi. Buna görə də ondan nəinki çəkinirdilər, hətta qorxurdular da… Bu qorxu olmasaydı, bəlkə də çoxları sənət aləmində at oynadardı. At demişkən, bu gün at ölüb, itlərin bayramıdır. Söhbət Xalq artisti, mərhum sənətkar İlhamə Quliyevadan gedir.