Миңнеханов: Казан - 2026 елда ислам дөньясының мәдәни башкаласы

Казан 2026 елда ислам дөньясының мәдәни башкаласы исемен йөртәчәк. Бу хакта Татарстан Рәисе Рөстәм Миңнеханов үзенең телеграм-каналында хәбәр итте.

«Казан - 2026 елда ислам дөньясының мәдәни башкаласы. Бүген Җиддәдә Ислам хезмәттәшлеге оешмасы илләренең мәдәният министрлары шундый карар кабул итте", - диелә Татарстан лидеры хәбәрендә.

Исегезгә төшерәбез, шәһәр Согуд Гарәбстанында Җиддә шәһәрендә уза торган Ислам дөньясы мәдәният министрларының XIII конференциясендә шундый статус алды.