Мөхәммәтшин Татарстан районнарына федераль программаларга күбрәк игътибар бирергә кушты
Татарстан районнарына төрле федераль программаларда катнашуга күбрәк игътибар бирергә кирәк. Бу хакта Тукай районының 2024 ел йомгаклары буенча сессиясендә Татарстан Республикасы Дәүләт Советы Рәисе Фәрит Мөхәммәтшин хәбәр итте.
Дәүләт программаларын һәм илкүләм проектларны федераль үзәк финанслый, Татарстаннан да финанслау бар, дип игътибар итте ул.
«Бу мөмкинлектән барлык районнар да файдаланмый, шул исәптән Тукай районы да», - дип белдерде Мөхәммәтшин.
Районны үстерү планында ул торак һәм юл төзелешен, авыл хуҗалыгын һәм сәнәгатьне аерым билгеләп үтте.
«Мондый очрашулар әйтеп үтелгән кимчелекләрне бетерү өчен игътибар итәргә кирәк булган проблемаларны һәм үтенечләрне аңларга мөмкинлек бирә, дип саныйм», – дип йомгаклады Мөхәммәтшин.