კიევის განცხადებით, რუსეთის არმიამ უკრაინისკენ გაუშვა 150-ზე მეტი დრონი

8-დან 9 თებერვლის ღამით რუსეთის არმიამ უკრაინის მიმართულებით გაუშვა 150-ზე მეტი უპილოტო საფრენი აპარატი - იუწყება უკრაინის შეიარაღებული ძალების სარდლობა. ზიანი მიადგა კიევის, სუმის, ვოლინსკის, ჟიტომირის, დნეპროპეტროვსკის და ხარკოვის ოლქებს. მსხვერპლის, დაჭრილების და ნგრევის მასშტაბის შესახებ მონაცემები დაზუსტების პროცესშია.


უკრაინის არმიის განცხადებით 74 დრონი "ლოკაციურად დაიკარგა", ანუ რადარებიდან გაქრა და ჩამოვარდა, ზიანის გამოწვევის გარეშე.


კიევის ოლქის ადმინისტრაცია აცხადებს, რომ უკრაინის საჰაერო ძალებმა ჩამოაგდეს რამდენიმე დრონი.