Адам қанша күн ұйықтамаса, галлюцинация пайда болады?

Адам үш-төрт күн қатарынан ұйықтамаса, әртүрлі галлюцинация, паранойя, психоз пайда болуы мүмкін. Бұл туралы невролог Елена Кислова айтты, - деп хабарлайды Massaget.kz тілшісі "Газета.Ru-ға" сілтеме жасап.

"Адам ұйықтамай қанша уақыт өмір сүре алатыны белгісіз болса да, мүлде ұйықтамау белгілі бір салдарға әкеп соқтырады. Мысалы, адам бір күн ұйықтамаса, ұйқышылдық, тітіркену, когнитивті бұзылулар, бұлшықет кернеуінің жоғарылауы туындайды. 48 сағаттан астам уақыт бойы ұйықтамаған кезде адамда 30 секундтық жеңіл ұйқы кезеңдері басталады, бұл "микроұйқы" эпизодтары, ол ми ұйқы күйінде болған кезде еріксіз пайда болады. Микро ұйқыдан кейін шатасу немесе бағдарсыздық сезімі болуы мүмкін", - деді дәрігер.

Дәрігердің сөзінше, оңтайлы физикалық денсаулық үшін жеткілікті ұйқы қажет, ол жеті немесе одан да көп сағат.

"Егер адам әдетте ұзақ ұйқыны қажет етсе, онда тіпті 7-ден 9 сағатқа дейінгі ұйқының ұзақтығы салыстырмалы түрде жеткіліксіз болуы мүмкін. Нәрестелер, балалар мен жасөспірімдер ересектерге қарағанда айтарлықтай көп сағаттық ұйқыны қажет етеді. Бірақ кейбір адамдардың 7 сағаттан аз ұйықтаса да ұйқысы қанады, бұл да дұрыс", - деді дәрігер.