Миңнеханов: Шәймиев туган көн белән котлаулар өчен барысына да рәхмәт белдерде
Татарстан Дәүләт Киңәшчесе Минтимер Шәймиев туган көне белән җылы котлаулар өчен барысына да рәхмәт белдерде. Бу хакта республика Рәисе Рөстәм Миңнеханов телеграм-каналында хәбәр итте. Искәртик, 2024 елның 20 гыйнварында аңа 88 яшь тулды.
«Минтимер Шәрип улы янына кердек! Сезгә җылы сүзләрегез һәм котлауларыгыз өчен рәхмәт әйтүемне сорады!», – дип язган республика җитәкчесе.
Фото: © Рөстәм Миңнехановның телеграм-каналыннан
Шулай ук Миңнеханов очрашудан фото да куйган.
Фото: © Рөстәм Миңнехановның телеграмм-каналыннан