Раяз Фасыйхов: Минем дә бу сәхнәгә чыгып уйнап карыйсым килә

Эстрада җырчысы Раяз Фасыйхов «Татарстанның халык артисты» дигән мактаулы исемне Татарстан Республикасы Мәдәният министрлыгының ел йомгакларына багышланган коллегия утырышында Татарстан Республикасы Рәисе Рөстәм Миңнеханов, Россия Мәдәният министры Ольга Любимова кулыннан алды.

«Башта бу театр бинасын спектакльләр белән тутырырга кирәк. Аннары бәлки берәр нәрсә уйларбыз. Минем әле берәр спектакльдә катнашып карыйсым килә. Бу сәхнәгә чыгасы килә», – диде ул соңыннан «Татар-информ» хәбәрчесенең дә котлауларын кабул итеп.

Татарстан Республикасы Мәдәният министрлыгының ел йомгакларына багышланган коллегия утырышында эстрада җырчыларыннан Раяз Фасыйхов белән Рөстәм Насыйбуллин мактаулы исем алды. Рөстәм Насыйбуллинга «Татарстанның атказанган артисты» дигән исем бирелде.