د بلوچستان کروندګرو د ممکنه زرعي ټیکس پرضد احتجاج کړی
د بلوچستان کروندګرو د ممکنه زرعي ټیکس پرضد او هغوی ته د لمريزې انرژۍ لپاره د پيسو نه ورکولو پرضداحتجاج کړی دی. د جنورۍ پر دویمه په کوټه کې د بلوچستان اسمبلۍ مخې ته د احتجاج پرمهال کروندګرو وویل، دوی ځکه د زرعي ټېکس ورکولو وس نه لري چې د صوبې زراعت وچکالۍ ځپلی دی. کروندګر وايي، صوبايي حکومت د پیسو د نړیوال صندوق (ای اېم اېف) شرطونو پوره کولو لپاره د مرکزي حکومت په امر پر دوی زرعي ټيکس لګول غواړي. خو د بلوچستان حکومت وايي چې تر اوسه په دې اړه په اسمبلۍ کې هېڅ قانوني مسوده نه ده وړاندې کړل شوې. ویډیو رپورټ.