Татарстанда салкынайта һәм кабат томан төшүе көтелә

Бүген, 29 декабрьдә, Татарстанда һава температурасы төшәчәк. Бу хакта Татарстан Гидрометеорология үзәге хәбәр итә.

Республикада аязучан болытлы һава кала. Төбәктә урыны белән кар явачак, ә Казанда явым-төшем көтелми.

Җил көнбатыштан һәм төньяк-көнбатыштан исә, аның тизлеге секундына 5-10 метр фаразлана. Юлларда бозлавык булачак.

Татарстанда һава температурасы көндез -3..-8 градус, Татарстан башкаласында -4..-6 градус көтелә.