«Կրթելը պետության պարտականությունն է, ոչ թե ինչ-որ մեկի, որը պետության հետ էական կապ չունի». Ատոմ Մխիթարյան

«Վերջերս Կառավարությունը որոշում ընդունեց և որոշ մասնագիտական առարկաներ հանեց ընդունելության քննություններից, թողեց կամընտրական։ Օրինակ, դիմորդը կարող է օտար լեզվից ու հայոց լեզվից քննություն հանձնել և ընդունվել աշխարհագրության կամ քիմիայի ֆակուլտետ, դառնալով մանկավարժ։ Շատ անհասկանալի որոշում է, ինչն իրենց հիմնավորում են դիմորդ չունենալով։ Դիմորդների մեծ մասն օտար լեզու է պարապում, որովհետև մտածում են՝ հեշտ է, պատկան մարմիններն էլ մտածում են՝ ավելի լավ է՝ ինչ գիտեն, դրանով էլ քննություն հանձնեն, քանի որ տարրական գիտելիք չունեն ու չեն կարողանում նույնիսկ 8 միավոր հավաքեն հատկապես բնագիտական առարկաներից։ Սա մեծ խնդիր է»,- 168.am-ի հետ զրույցում նշեց Ատոմ Մխիթարյանը։