Досаев ҚазҰУ жерін мемлекетке қайтару жөнінде: Екі инстанцияда жеңдік, кассацияны күтіп отырмыз
Алматы әкімі Ерболат Досаев бұрын Әл-Фараби атындағы Қазақ ұлттық университетіне тиесілі болған жер мемлекетке әлі қайтарылмағанын растады. Оның сөзінше, сот әлі аяқталмаған.
"(Жерді мемлекетке қайтару туралы) Тиісті сот шешімі бар, алайда ол кассация кезеңінде. Екі инстанцияда жеңдік. Қазір күтіп отырмыз. Жер иесінің өзі шешім қабылдайды деген үміттеміз" деді Досаев.
Мемлекетке қайтарылғаннан кейін ол жерге қатысты қандай жоспар бар? деген Азаттық тілшісінің қосымша сұрағына Досаев "ол рекреация аймағында тұр, солай болып қалады" деді.
Әл-Фараби атындағы ұлттық университет жерінің Әл-Фараби даңғылымен шектесетін оңтүстік бөлігінде экс-президент Нұрсұлтан Назарбаевтың күйеу баласы Тимур Құлыбаевтың иелігіндегі компания "Atlas development" заманауи бизнес орталық сала бастаған.
Бизнес орталық бой көтерген жер телімі бұрыннан жеке меншікте. Ал құрылысқа арналған қоршаудың ішінде, ғимараттың айналасында тұрған учаскелер университеттен қала әкімдігіне өтіп, әкімдік оны жеке компанияға жалға берген. Жалпы аумағы – 0,8 гектар.
2021 жылдан бері жұрт назарында болған дау Қаңтар оқиғасынан кейін жаңа сипат алған. "Ақ жол" партиясы фракциясының сұрауына прокуратура жерді алуда заң бұзушылық бар деп мәлімдеді. Жер ресурстарын басқару комитеті Құлыбаевтың бизнес-құрылымдарына қарайтын "Atlas development" ЖШС мен "Omirex" ЖШС-ны сотқа беріп, Алматының ауданаралық экономикалық соты арызды қанағаттандырып, үкім шығарған.
Сот Алматы әкімдігінің үш қаулысының күшін жойып, жер қатынастары басқармасы мен "Atlas development" компаниясы арасындағы жерді жалға беру туралы 2020 жылғы келісім-шартты бұзған. Әл-Фараби университеті мен жер қатынастары басқармасының арасындағы жерді жалға беру туралы 2021 жылғы келісім-шарттың да күші жойылған.
Осы үкімге сүйеніп, журналистер жер университетке қайтарылды деп жарыса жазған еді. Бірақ 2024 жылдың желтоқсандағы жағдай бойынша жер мемлекетке әлі қайтарылмаған. Осы аптада Қазақстанда жер мәселелері бойынша сот шешімдерінің орындалмай жатқанын айтқан мәжіліс депутаты Бақытжан Базарбек Әл-Фараби атындағы Қазақ ұлттық университеті маңындағы жер телімін де атап өткен.
"ҚазҰУ жанындағы заңсыз иеліктен шығарылған жер телімі сот шешімімен мемлекет меншігіне өтіп, оған салынған бизнес орталығы жойылуы тиіс еді, әлі күнге дейін мемлекет меншігіне өткен жоқ, бизнес орталығы да әлі күнге дейін жойылмаған" деді депутат.
"Atlas development" компаниясы бизнес орталық салып жатқан жердің дәл қасында Әл-Фараби университетінен 2007 жылы жекешелендірілген тағы бір 1,8 гектар учаске бар. Азаттық бұл жердің университеттен "инвестициялық келісім-шарт аясында" жекешелендірілгенін анықтаған.
Инвестициялық шарттың ақыры – бұл қазір оқу орнына қатысы жоқ, кеңсе, тұрғын үй я сауда орталығын салуға арналған учаскеге айналып кеткен еді. Оның иесі де Құлыбаев. Бұрынғы президенттің күйеу баласы бұл жерді "Кипрос" деген компаниясы арқылы иеленіп отыр. "Кипросқа" дейін қанша рет меншік құқығы ауысқаны белгісіз.
Қазақ ұлттық университеті "Кипрос" компаниясы иелігіндегі учаске бойынша кейінгі хатымызға "бұл жер учаскесі жеке меншікте" деп қысқа қайырған. Жер ресурстары комитеті "бұл аумақтың жекешелендіру тарихын тексеруге негіз жоқ" деп жауап берген.
18 желтоқсан күнгі брифинг кезінде Азаттық тілшісі Алматы әкіміне "билік аталған жер телімін жекешелендіру қаншалықты заңды болғанын анықтай алды ма?" және "Құлыбаевтың иелігіне қалай өтті?" деген сұрақтарды қойған.
Досаевтың айтуынша, 2022 жылдың қаңтар айынан бері әкімдіктің өкілеті Алматының жер ресурсы басқармасы департаментіне берілген, сондықтан бұл мәселемен солар айналысатынын жеткізді.
"Шешім қабылданған кезде ғана жер бізге беріледі, біз ақырғы нәтижесін ғана аламыз" деді Досаев.
Нұрсұлтан Назарбаевтың күйеубаласы Тимур Құлыбаевтың байлығын Forbes 5 млрд доллар деп бағалаған. 2022 жылдан бері оның байлығы 1,2 млрд долларға өскен. Қазір Құлыбаев активтерді қайтару жөніндегі комитетпен соттасып, Қазақстан, Ұлыбритания, Ресей, Испания және өзге елдердегі жылжымайтын мүліктерінің бір бөлігін сатып жатыр.
"(Жерді мемлекетке қайтару туралы) Тиісті сот шешімі бар, алайда ол кассация кезеңінде. Екі инстанцияда жеңдік. Қазір күтіп отырмыз. Жер иесінің өзі шешім қабылдайды деген үміттеміз" деді Досаев.
Мемлекетке қайтарылғаннан кейін ол жерге қатысты қандай жоспар бар? деген Азаттық тілшісінің қосымша сұрағына Досаев "ол рекреация аймағында тұр, солай болып қалады" деді.
Әл-Фараби атындағы ұлттық университет жерінің Әл-Фараби даңғылымен шектесетін оңтүстік бөлігінде экс-президент Нұрсұлтан Назарбаевтың күйеу баласы Тимур Құлыбаевтың иелігіндегі компания "Atlas development" заманауи бизнес орталық сала бастаған.
Бизнес орталық бой көтерген жер телімі бұрыннан жеке меншікте. Ал құрылысқа арналған қоршаудың ішінде, ғимараттың айналасында тұрған учаскелер университеттен қала әкімдігіне өтіп, әкімдік оны жеке компанияға жалға берген. Жалпы аумағы – 0,8 гектар.
2021 жылдан бері жұрт назарында болған дау Қаңтар оқиғасынан кейін жаңа сипат алған. "Ақ жол" партиясы фракциясының сұрауына прокуратура жерді алуда заң бұзушылық бар деп мәлімдеді. Жер ресурстарын басқару комитеті Құлыбаевтың бизнес-құрылымдарына қарайтын "Atlas development" ЖШС мен "Omirex" ЖШС-ны сотқа беріп, Алматының ауданаралық экономикалық соты арызды қанағаттандырып, үкім шығарған.
Сот Алматы әкімдігінің үш қаулысының күшін жойып, жер қатынастары басқармасы мен "Atlas development" компаниясы арасындағы жерді жалға беру туралы 2020 жылғы келісім-шартты бұзған. Әл-Фараби университеті мен жер қатынастары басқармасының арасындағы жерді жалға беру туралы 2021 жылғы келісім-шарттың да күші жойылған.
Осы үкімге сүйеніп, журналистер жер университетке қайтарылды деп жарыса жазған еді. Бірақ 2024 жылдың желтоқсандағы жағдай бойынша жер мемлекетке әлі қайтарылмаған. Осы аптада Қазақстанда жер мәселелері бойынша сот шешімдерінің орындалмай жатқанын айтқан мәжіліс депутаты Бақытжан Базарбек Әл-Фараби атындағы Қазақ ұлттық университеті маңындағы жер телімін де атап өткен.
"ҚазҰУ жанындағы заңсыз иеліктен шығарылған жер телімі сот шешімімен мемлекет меншігіне өтіп, оған салынған бизнес орталығы жойылуы тиіс еді, әлі күнге дейін мемлекет меншігіне өткен жоқ, бизнес орталығы да әлі күнге дейін жойылмаған" деді депутат.
"Atlas development" компаниясы бизнес орталық салып жатқан жердің дәл қасында Әл-Фараби университетінен 2007 жылы жекешелендірілген тағы бір 1,8 гектар учаске бар. Азаттық бұл жердің университеттен "инвестициялық келісім-шарт аясында" жекешелендірілгенін анықтаған.
Инвестициялық шарттың ақыры – бұл қазір оқу орнына қатысы жоқ, кеңсе, тұрғын үй я сауда орталығын салуға арналған учаскеге айналып кеткен еді. Оның иесі де Құлыбаев. Бұрынғы президенттің күйеу баласы бұл жерді "Кипрос" деген компаниясы арқылы иеленіп отыр. "Кипросқа" дейін қанша рет меншік құқығы ауысқаны белгісіз.
Қазақ ұлттық университеті "Кипрос" компаниясы иелігіндегі учаске бойынша кейінгі хатымызға "бұл жер учаскесі жеке меншікте" деп қысқа қайырған. Жер ресурстары комитеті "бұл аумақтың жекешелендіру тарихын тексеруге негіз жоқ" деп жауап берген.
18 желтоқсан күнгі брифинг кезінде Азаттық тілшісі Алматы әкіміне "билік аталған жер телімін жекешелендіру қаншалықты заңды болғанын анықтай алды ма?" және "Құлыбаевтың иелігіне қалай өтті?" деген сұрақтарды қойған.
Досаевтың айтуынша, 2022 жылдың қаңтар айынан бері әкімдіктің өкілеті Алматының жер ресурсы басқармасы департаментіне берілген, сондықтан бұл мәселемен солар айналысатынын жеткізді.
"Шешім қабылданған кезде ғана жер бізге беріледі, біз ақырғы нәтижесін ғана аламыз" деді Досаев.
Нұрсұлтан Назарбаевтың күйеубаласы Тимур Құлыбаевтың байлығын Forbes 5 млрд доллар деп бағалаған. 2022 жылдан бері оның байлығы 1,2 млрд долларға өскен. Қазір Құлыбаев активтерді қайтару жөніндегі комитетпен соттасып, Қазақстан, Ұлыбритания, Ресей, Испания және өзге елдердегі жылжымайтын мүліктерінің бір бөлігін сатып жатыр.