Diňle: Türkmenistanda gar ýagdy, käbir sebitlerde tok we gaz üpjünçiligi kesildi, ýol hadysalary köp boldy

Türkmenistanyň dürli sebitlerinde 14-nji dekabrda gar ýagdy. Käbir etraplarda elektrik energiýasynyň üpjünçiligi kesildi. Çetki obalarda tebigy gazyň üpjünçiliginde hem bökdençlik emele geldi. Ýollar sürçek boldy. Garyň erän ýerlerinde ýerli ýaşaýjylar batga ýollarda kösendi.