Депутат Масалиев коррупциядан өндүрүлгөн каражат ачык болушу керектигин айтты
Жогорку Кеңештеги “Бүтүн Кыргызстан” фракциясынын лидери Исхак Масалиев коррупциядан, убагында мыйзамсыз менчиктештирилип кийин мамлекетке кайтарылган имараттар тууралуу коомчулукка ачык маалымат берилиши керектигин билдирди. Бул тууралуу депутат парламенттин 11-декабрдагы жайынында айтты.
“Миллиард-миллиард деген сом өндүрүлүп, туура эмес менчиктештирилген имараттар кайтарылып кайра сатылууда. Бул каражат кайсы эсепке түшөт аны таба алган жокмун. Ал акча Жогорку Кеңештин макулдугу менен иштетилиши керек”, - деди ал.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 2020-2024-жылдар аралыгында уюшкан кылмыштуу топтордон, таза эмес олигархтардан мамлекетке акчалай жана мүлк түрүндө 125 млрд сом өндүрүлгөнүн билдирген.
Атайын кызматтын төрагасы бул тууралуу 20-ноябрда айрым жалпыга маалымдоо каражаттарынын журналисттерине өткөргөн брифингде айтып, жакынкы күндөрү кимден канча каражат өндүрүлгөнү тууралуу кенен маалымат берерин билдирген.
Буга чейин Кыргызстанда мурда-кийин жеке менчикке өткөн жерлер, имараттар мамлекетке алынды. Талдоочулар ошол эле учурда өлкөдө менчикке болгон укук да сакталышы керек экенин айтып келишет. (BTo)
“Миллиард-миллиард деген сом өндүрүлүп, туура эмес менчиктештирилген имараттар кайтарылып кайра сатылууда. Бул каражат кайсы эсепке түшөт аны таба алган жокмун. Ал акча Жогорку Кеңештин макулдугу менен иштетилиши керек”, - деди ал.
Улуттук коопсуздук боюнча мамлекеттик комитеттин (УКМК) төрагасы Камчыбек Ташиев 2020-2024-жылдар аралыгында уюшкан кылмыштуу топтордон, таза эмес олигархтардан мамлекетке акчалай жана мүлк түрүндө 125 млрд сом өндүрүлгөнүн билдирген.
Атайын кызматтын төрагасы бул тууралуу 20-ноябрда айрым жалпыга маалымдоо каражаттарынын журналисттерине өткөргөн брифингде айтып, жакынкы күндөрү кимден канча каражат өндүрүлгөнү тууралуу кенен маалымат берерин билдирген.
Буга чейин Кыргызстанда мурда-кийин жеке менчикке өткөн жерлер, имараттар мамлекетке алынды. Талдоочулар ошол эле учурда өлкөдө менчикке болгон укук да сакталышы керек экенин айтып келишет. (BTo)