Татарстанда буран, бозлавык һәм көчле җил көтелә

10 декабрьдә Татарстанда болытлы һава торышы көтелә, кар явачак. Бу хакта ТР Гидрометүзәгендә хәбәр иттеләр.

Кайбер районнарда буран һәм бозлавык булачак. Урыны белән җил күтәреләчәк, аның тизлеге 16 м/с ка җитәргә мөмкин.

Төнлә һава температурасы -9дан -4 градуска кадәр, ә көндез -6дан -1 градуска кадәр булачак.

Синоптиклар юлларда кар көртләре булуы ихтимал дип кисәтә.