Малайзия БРИКС партнеры булырга әзер

Малайзия БРИКС партнеры булырга әзер булуын хәбәр итте. Бу хакта Мәскәүдә Малайзия илчесе Чеонг Лун Лай сөйләде, дип хәбәр итә ТАСС.

Ноябрь уртасында Малайзиянең БРИКСка партнер сыйфатында чакырылуы билгеле булды. Ул вакытта илче тәкъдимгә җавапның якын арада биреләчәген әйтте.

Сан буенча уналтынчы БРИКС илләре саммиты Казанда 22-24 октябрьдә узды. Анда 30дан артык дәүләт делегациясе катнашты.

13 дәүләткә берләшмәнең партнер-иле статусы тәкъдим ителде. Малайзиядән тыш, бу Алжир, Беларусь, Боливия, Вьетнам, Индонезия, Казахстан, Куба, Нигерия, Таиланд, Төркия, Уганда һәм Үзбәкстан.

Соңрак РФ Президенты Владимир Путин аңлатканча, БРИКС партнер-дәүләтләренең тулы исемлеге алар җибәргән чакыруларга уңай җавап биргәннән соң бастырылачак. Бу ел ахырына кадәр булачак.