Кара-Кулжа-Сары-Булак жолунда жер көчкү жүрдү
Ош облусундагы Кара-Кулжа районунда Сары-Булак айыл аймагына кетчү жолдо 7-декабрда кечке саат 5тер чамасында жер көчкү жүрдү. Өзгөчө кырдаалдар министрлигинин билдиришинче, жабыр тарткандар жок, жол эки тараптуу жабылды.
"Кара-Кулжа — Сары-Булак ички чарбалык унаа жолунун 5-чакырымында (Көк-Жар тилкеси) жалпы көлөмү болжол менен 12000м³ жер көчкү түштү. Машиналар Шаркыратма айылы аркылуу өтчү айланма жол менен каттап жатат. Эртең, 8-декабрда ыкчам топ, техника тартылып жол тазаланат", - деп жазылган маалыматта.
Аталган министрлик 2022-жылы бул тилкеде жер көчкү жүрүү кооптуулугу жогору деген корутунду чыгарган.
Расмий маалыматка ылайык, Кыргызстанда жер көчкү коркунучу жогору 4,5 миңден ашык аймак бар. Учурда төрт миңге чукул үй-бүлө мындай жерден көчпөй жашап келет. Алардын теңинен көбү Ош облусуна туура келет, калгандары Жалал-Абад жана Баткен облусунда турат. Өлкөдө адам өлүмү менен коштолгон жер көчкү кырсыктары катталган.
"Кара-Кулжа — Сары-Булак ички чарбалык унаа жолунун 5-чакырымында (Көк-Жар тилкеси) жалпы көлөмү болжол менен 12000м³ жер көчкү түштү. Машиналар Шаркыратма айылы аркылуу өтчү айланма жол менен каттап жатат. Эртең, 8-декабрда ыкчам топ, техника тартылып жол тазаланат", - деп жазылган маалыматта.
Аталган министрлик 2022-жылы бул тилкеде жер көчкү жүрүү кооптуулугу жогору деген корутунду чыгарган.
Расмий маалыматка ылайык, Кыргызстанда жер көчкү коркунучу жогору 4,5 миңден ашык аймак бар. Учурда төрт миңге чукул үй-бүлө мындай жерден көчпөй жашап келет. Алардын теңинен көбү Ош облусуна туура келет, калгандары Жалал-Абад жана Баткен облусунда турат. Өлкөдө адам өлүмү менен коштолгон жер көчкү кырсыктары катталган.