Путин Россиядә эшсезлек рекордлы түбән дәрәҗәдә булу турында белдерде

Россиядә эшсезлек рекордлы түбән дәрәҗәдә. Бу хакта ил Президенты Владимир Путин «Россия чакыра!» форумында хәбәр итте.

«Гомумән Россиядә эшсезлек рекордлы түбән дәрәҗәдә – нибары 2,3 процент», - диде дәүләт башлыгы.

Аның сүзләренчә, бу күрсәткеч Россия Федерациясендә дөньяның күпчелек әйдәп баручы икътисадларына караганда кимрәк. Ул Европа илләрен мисалга китерде. Биредә әлеге күрсәткеч 7 процент һәм аннан да күбрәк.

Яшьләр арасында эшсезлек дәрәҗәсе 9 проценттан кимрәк, дип сөйләде Путин. Ул искәрткәнчә, кайбер төбәкләрдә бу күрсәткеч элегрәк 20-25 процент дәрәҗәсендә булган.