Чистай районында Татарстан Дәүләт Советына депутат сайлауда тавыш бирү дәвам итә

Бүген 34 номерлы Чистай бер мандатлы сайлау округында ТР Дәүләт Советына депутат сайлауда тавыш бирү бара. Сайлауда катнашу хокукына 56 235 кеше ия, шулар арасыннан 162 сайлаучы бүген беренче тапкыр тавыш бирә. Үчасток сайлау комиссиясе әгъзалары беренче тапкыр тавыш бирүчеләргә сайлау уздыру тәртибен аңлата, аларга Татарстан Үзәк сайлау комиссиясеннән истәлеккә сувенирлар бүләк итә.

«Бүген Чистай районында узучы тавыш бирүдә Татарстан сайлау системасының иң мөһим стандартлары гамәлгә ашырыла. Бу «Мобиль сайлаучы» сервисы да, видеоконтроль дә, кандидатлар, сәяси партияләр һәм республика Иҗтимагый палатасыннан күзәтү дә. Чистай районы сайлаучылары өчен 1 декабрь – үзенчәлекле көн, дип ышанам. Без аларны тавыш бирү участокларында көтәбез!» - дип белдерде ТР Үзәк сайлау комиссиясе рәисе Андрей Кондратьев.

Сайлауны оештыру һәм уздыру процессына 2 территориаль һәм 59 участок сайлау комиссиясе җәлеп ителгән. 12 сәгатькә булган мәгълүматларга караганда, Татарстанның Чистай районы сайлаучыларының дүрттән бер өлеше сайлау хокукыннан файдаланган. Тавыш бирү дәвам итә. Сайлау участоклары 20:00 сәгатькә кадәр эшли.