Александр Бортников: Казандагы БРИКС дөньяның глобаль үзгәртеп кору узуын исбатлады

Казандагы БРИКС саммиты хәзер дөньяны ныклап үзгәртеп кору баруын раслады. Нәтиҗәдә глобаль Көньяк һәм Көнбатыш катнашында халыкара иминлек системасы төзелә. Бу процесс Көнбатыш каршылыклары белән очраша, дип белдерде Россия Иминлек федераль хезмәте директоры Александр Бортников. Аның сүзләрен ТАСС китерә.

«Күп поляр сәяси һәм икътисади киңлек формалаша һәм глобаль Көньяк һәм Көнчыгыш илләре катнашында халыкара иминлекнең яңа, «инклюзив» системасы булдырыла», — дип белдерде ул Иминлек органнары һәм разведка хезмәтләре җитәкчеләренең XX утырышы вакытында.

Аның фикеренчә, Көнбатышның моңа каршы торырлык әйбере юк. Шуңа күрә ул «гомуми киеренкелек тудыру» белән шөгыльләнә.

БРИКС саммиты Казанда 22-24 октябрьдә узды. Чарада 30дан артык ил делегациясе катнашты, шуның 20дән артыгы югары дәрәҗәдә тәкъдим ителде.