Ташиев Жалал-Абад облустук сотунун үч судьясы камалганын билдирди
Жалал-Абад облустук сотунун үч судьясы коррупцияга айыпталып, кармалып, камалды.
Бул тууралуу Улуттук коопсуздук боюнча мамлекеттик комитетинин (УКМК) төрагасы Камчыбек Ташиев 24-ноябрда Сузак райондук ички иштер бөлүмүнүн жаңыланган имаратынын ачылышында сүйлөп жатып билдирди:
"Кечээ кечинде эле Жалал-Абад облустук сотунун үч судьясы кармалып, камалды. Ошол үч сот дагы президенттин алдынан, Судьяларды тандоо кеңешинен өткөн. Көп жылдан бери кызмат кылып келишкен. Президенттин алдында "таза кызмат кылабыз" деп убадасын беришкен. Бирок ошол эле мезгилде жеке кызыкчылыктан улам, коррупцияга берилип, мыйзам бузушту. Ошонун негизинде кечээ алып барып камадык".
Камчыбек Ташиев камалды деген соттордун аты-жөнүн ачыктаган жок.
УКМК төрагасынын бул айтканы тууралуу Жогорку сот комментарий бере элек.
Акыркы эки жыл ичинде бир катар судьялар пара алууга жана коррупцияга шек саналып кармалган. Алардын айрымдары сот тарабынан айып пул төлөөгө милдеттендирилип, камактан чыгарылса, кээ бирлери акталган.(ZKo)
Бул тууралуу Улуттук коопсуздук боюнча мамлекеттик комитетинин (УКМК) төрагасы Камчыбек Ташиев 24-ноябрда Сузак райондук ички иштер бөлүмүнүн жаңыланган имаратынын ачылышында сүйлөп жатып билдирди:
"Кечээ кечинде эле Жалал-Абад облустук сотунун үч судьясы кармалып, камалды. Ошол үч сот дагы президенттин алдынан, Судьяларды тандоо кеңешинен өткөн. Көп жылдан бери кызмат кылып келишкен. Президенттин алдында "таза кызмат кылабыз" деп убадасын беришкен. Бирок ошол эле мезгилде жеке кызыкчылыктан улам, коррупцияга берилип, мыйзам бузушту. Ошонун негизинде кечээ алып барып камадык".
Камчыбек Ташиев камалды деген соттордун аты-жөнүн ачыктаган жок.
УКМК төрагасынын бул айтканы тууралуу Жогорку сот комментарий бере элек.
Акыркы эки жыл ичинде бир катар судьялар пара алууга жана коррупцияга шек саналып кармалган. Алардын айрымдары сот тарабынан айып пул төлөөгө милдеттендирилип, камактан чыгарылса, кээ бирлери акталган.(ZKo)